07年的最後一篇

07年的最後一天
去了網聚
你們這些狠毒的傢伙
改時間不通知我
害我狗留留的等了半小時...sorry..算上遲到
足足50分鐘
不過我不是小器的人.不會計較的
但請一餐半餐是跑不掉的
唱K這回事真的很難捉摸
沒時間的時候不收機
有時間卻準時得很
===================================
祝大家新年快樂
學業進步之餘也身體健康
專給Totti:
祝盡快溝到另一半

25-12-2007

寫這篇日記時已是26日
但我總想記下25日的事
2007年12月25日
這年聖誕節有點不同
不同在...我沒興家人過
與我的"好姊妹"慶祝生日
這天..感覺很怪
我不是玩得不開心..也沒甚麼特別
只是.....感覺怪怪的
總覺得氣氛有點拘謹
朋友們.該玩的時候.瘋一點也沒關係
=================================
Dear Totti
要聊的話.我相信一天也不夠

平安夜

今日係平安夜
同往年一樣都係同家人過
中午出左街買左張生日卡..好姊妹等收吧
仲買左對鞋..呢間鞋店服務唔錯
完全冇過份熱情或冷淡

純粹post相

出發前

班相

到達後

水上單車上

踩高橋 p.s.我行到六步咖

麻鷹捉雞仔

killer

離開前合照

回校後合照

旅行日

地點:天水圍綠田園
出發前據說當地環境優美.青山綠水
綠水我就真係get到啦
綠水就係玩水上單車果個湖
d水係墨綠色因而稱為綠水
墨綠色o既水d人都夠膽放隻水落去.實在太可怕啦
仲有個任食真係冇得頂
佢地都識講一枱有10個人啦
但係攞野食每次俾兩三件.....
雖然我都冇咩點食過野..但係分配食物果度真係好有問題
全日影下相周圍行
我帶左相機.但用唔著
反正個個部相機都靚過我
最搞笑都係miss蘇
同我地玩何濟公.糖痴豆
呢d遊戲實在太攰啦
最後轉左玩killer
十幾個人玩真係好難玩
killer完全贏唔到
最近贏果鋪都係殺剩兩個..無奈
點解d平民咁勁咖....

考試第四日

中文都告急添
閱讀卷聽聞得8個合格..仲係最多8個
真係有d慌.
中史就真係威啦
5題揀4題做.時間多得濟得閒得濟做晒第5題
其實冇睇題目先真ge.
不過又真係做得幾快
做完覆埋卷改晒錯都仲有時間
數學....唔講啦.
人文做果陣手痛得離職
停手停左好幾次..做少一題10分.應該唔會因為呢題出事掛..
不過都係電腦晒奶野
竟然多野背過中世史...4本書.過分

考試第一日

今日太興奮啦
英文卷可畏創意無限
題目創新不在話下啦
陰濕就一定咖啦
最緊要係唔夠時間
方唔激到班友含包散晒而死咁
過去已成過去
屬羊o既朋友.今日努力學習係你o既主題
多請教長輩會令你更順利

因何故咁玩先!?

想當初我練田徑又唔叫我出賽
到我唔練ge時候又叫我
田徑隊選人真係好有性格咖姐
我先唔會特登5點起身同你去比賽丫

睡

今日hip hop雞叫起身
我一醒第一時間係頭暈.
之後就肚痛
所以決定唔去補課
留o係屋企做下呢樣做下果樣
又嘗試搵下KTV不過都仲係搵唔到
我好想玩下音樂日
咩都要試下ge
不過又唔會獨唱.始終合唱個心定d ge
希望有人加入啦
我又發現呢個blog真係好似廢置左咁
差唔多完11月先得4.5篇
我諗我應該勤力d打先係

oh

今日補課得兩個人補
有個都係差唔多完先黎
不過我就發現一對一咁補真係正好多
唔會俾人問d無聊問題/無聊言論打斷補課進度
今日得西史補.所以補完都冇野做
自己一個o係課室溫書..都唔錯啵..
呀昌真係好
見我自己一個入黎問候下我
又叫我一齊去食野..個感覺得溫暖呀
依家up都到相上黎
聽日放你張相上黎表揚下你..haha
---------------------------------------------------
家鄉有喜
又要破費了

呵呵

校運會雖然完左
但我依然好高興咁睇相
發現自己笑得開心左好多
好似傻左咁
因咩事咁開心呢?
朋友們.真想同你地影多d相
希望下年唔係校友身份去校運會啦

校運會

哈..一連兩日校運會完左lu

有d唔捨得.今年特別好玩

400米入到決賽.不過得第4社際4x400第三 4x100第一
真係好開心玩左

咁多年終於有個金牌啦

不過最開心都係同班朋友仔影左好多相
我諗今日影ge相比我上年全年影得多

5A班合照

鏗與我好姊妹 kaka....
哈..3A同學會李sir 老彭招牌手指公
校長
朱sir
vicky+小龜+銘仔(鏡頭左面)呢張我唔識講師兄.我諗叫師父都仲得

田雞更新:波仔牛

400初賽起跑前..果陣超級緊張

可能係最後一個校運會

聽日係可能最後一個校運會
但都係同之前幾年報錯晒項目
報左兩樣唔識一樣極差ge
諗起都有d驚
400米怕包尾
推鉛球驚連波都攞唔穩
標槍...標都未標過
點算...都係帶相機影下相好過

無題

琴日阿嬌送左一盞燈俾我
真係多謝晒你...我o岩o岩好差一盞燈
雖則盞燈個作用唔大..仲有點兒把鬼
不過都幾好用咖一d光都冇ge情況下.......
終於用左擺o係度好耐ge書卷
嘩仲撞正有折..正
真係唔係講笑..本身係想買金瓶梅咖..90蚊85折再加50蚊書光
一套6本.堪稱全場最抵
加上永年ge鼓勵下.我更加想買
最後我都係決定..唔買!!
原因係冇.因為我依家都後悔緊
當日我又買左部mp4
音質算係咁啦.我又唔太要求高
志在有歌聽..不過d按鍵就真係有d過敏..唔知係我大力定機問題呢?

-----------------------------------------------------------------

腰痛加劇呢

大左...

宣佈真係"好玩"
我本身諗住聲演.講下野咁先應承去宣佈
點知要唱埋..唱埋都未算奶野..
最奶野都係要講名-.-"
好...冇所謂啦..反正都幾好玩
雖然好玩但唔會再玩...
太刺激啦..負荷唔黎.

魚...

我重視ge校運會竟然冇印我名o係賽程....
咁唔o岩咖啵..我報晒三項咁俾面
依家連名都冇過份左少少啵..又唔係話好過份ge..少少lor
今朝起身我條腰竟然痛到伸唔直
原因不明..到打blog呢刻都痛緊
腰痛真係唔講得笑
你要明白有幾多運動要用腰@@

噢..出線無望

今日又輸4-2
唉...同樣o既錯誤令我地失4球
波仔o既12碼同碧咸式o既罰球白費....
今場我都有出.....................................................................5分鐘-.-"
5分鍾算啦..差唔多啦.今場咁緊張都冇諗過可以出
之後李sir問我感想
我答:我洗講啦.出去握手
但我絕對唔係抱怨.

噢..輸了

上半場輸三球
下半場追返一球.錯失一個入球機會
最後輸左4-1
不過都係第一場..仲有機會
希望大家繼續努力
唔好失望咁快.....
今日我雖然冇得出場
但我都好緊張
比起田徑真係好緊張
希望第日出場唔會因為緊張而失誤啦

嗚嗄

聽日就踢第一場學界
希望有得出啦..出到又希望唔會累到人啦
心情有d緊張
不過又好期待
又有d興奮...
傳聞聽日果場係唔贏唔得
睇怕出場機會都幾渺茫........

生日

咁日真係好開心
上年冇咩人記得我生日
今年竟然有咁多人記得
連新同學上年識ge朋友都知我今日生日
仲有蛋糕食添..真開心..多謝晒5A o既同學
哈哈..好姊妹....多謝妳張生日卡
仲有橙丫.黃嘉.呀欣丫...逐個講生日快樂..搞我我幾咁開心.:)
打緊blog果陣仲收到家姐送ge雞批
好大個..好食。
其實琴日.呀牛,波仔同terry都已經慶祝左一次啦
去左君好打邊爐
真食好難忘..我一定唔會唔記得
食到要捧住肚走仲痾左兩次
不過都多謝晒
今日講左好多次多謝
不過真係講唔厭啵~
多謝晒啦~朋友們

Say what the fun

今日個feel真係好錯
今朝痴左線晨咁早起左身
真係眼都掙唔開..對眼得一條線
出到門口又異常精神.到第一堂就現番形
眼皮一直咁向下..同時雙手又擺左上枱.個頭又不受控咁放o係手度
眼前一黑..就見到周公...
到踢波之後再去補習
我覺得我釣魚勁左
個頭唔fing..唔錯

星期日真係好

星期天.睡覺天
訓到成11點幾
其實9點幾因為d鼻水搞到好唔舒服醒左
吐左又訓番
今日飲先茶o係屋企樓下配左con
300蚊30對
第一次戴真係好辛苦
整左我諗有6~9分鍾
因為對準眼珠果下真係有d難
第一日4個鍾,第二日6個鍾.第三日8個鍾
連戴三日就可以戴足一日啦
第一日戴兩個鍾我已經覺得好吃力啦
希望快d習慣啦

得閒冇野做!?剪個髮啦

今朝好唔願意咁夾硬起身補課
發現咁補真係冇咩意思.因為我o係度釣魚.....
唉....感覺到中文差左
上次作文一塌糊塗
今日做唔晒閱讀
幾經辛苦補埋英文走人
食完個飯個個都打機...唉..個個放學顧住打機
邊似得我咁乖丫
得番一個人.又見悶悶地
就剪個髮啦
都剪得幾短..但覺得幾舒服
突然諗起田雞..話頭髮短所以gel行個頭
藉口!!!gel左睇落咪仲短
發姣就發姣啦

破天荒

今年破天荒地得一個內閣
亦破天荒地冇學生會當選
死未!?
仲有呀..呀橙.我知你有睇咖
你同我講早晨幾感動丫..搞到我都冇晒反應
果個仲話好姊妹-0-
早晨都未講過......
---------------------------------------------
決定左食少餐都要買對釘boot
好大幾會係最後一年(至少個個都話最後一年)
又係唯一一年踢草場..老實講以前田徑隊我完全冇歸屬感
足球隊我搵到
所以我唔介意充實自己o既裝備
我好希望自己可以踢好d

咁耐冇打..今日點都打番篇先

今日足球隊練波
發覺體能真係差左好多
每次練波都有人講今年冇得踢
又係ge中6班潮童
未學行先學走
波都未交得準學人玩後腳
呢個例真係唔經典
最強都係d假動作.真係唔好提啦
仲有果d驚人ge爆炸力..
前場簡直係可以用毫無威脅黎形容
18號就第一場啦
踢法實際番少少啦唔該

養車真係唔容易

今日去機鋪玩..洗左成30蚊-.-

唉.....找錯處用左唔少錢

之後玩賽車更加唔洗講

2蚊2蚊都咪話唔禾味

受左誘惑下開左張卡

嘩...玩故事模式升馬力贏左想繼續!?

得!!俾錢呀......shit

真貴....

唔怪得d人去機鋪洗錢可以洗得咁勁啦

班主任的最後一課

o係聖經入面有最後晚餐
o係5A班有班主任最後一課
唔捨得..教左我一年
仲係中文科成功o既一年
點會捨得?
好好運
交俾Miss Chan o既最後一篇長文係Miss親手改
唔係等下一個接手改
篇文o既內容係用黎送別Miss Chan
如果係接手人改就冇晒意思啦
放心啦Miss您俾得個mail我
我實炸爆佢...
會考中文一定攞高分d報答您

哦..練波

今日足球隊練波唔太好玩
最後鬥波冇我份
唔happy

影相日

今日為倩茵整個歡送

係咁影相不斷影

班相

5人合照

全男班

希望miss以後事事順利啦

今日我只留個累字

累

唉..班主任要走了

今日收到一個令人意想不到o既消息
教左我兩個學期零2星期1日o既老師要離開學校
老實講當然係唔捨得...因為我覺得確實係教得好
我亦係由呢位老師教o既學年開始中文成績有所進步
我諗...同學們同老師一樣唔捨得大家
宣佈消息o既時間老師忍唔住...流淚了
其實呢種場面我好怕
因為我怕我都會忍唔住
大家都知道遲早要告別
但....邊個知道黎得咁快!?
==========================================
轉左blog背景
如果大家覺得呢個背景阻礙到你瀏覽呢個blog
歡迎留言表達意見

呢兩日心情真係好靚呀

星期六點解開心!?

咁開心樂園餐點解咁開心先!?

其實就冇關係ge

其實係因為bid左樣好好好想要ge野

琴日收到所以開心

今日搵番好多舊野所以好開心

小學果陣跆拳道ge腰帶啦...玩具啦

仲搵番一種味道......一種諗番好多野ge味道

呢兩日受左誘惑玩番onlnie game

擔心的是失學?還是失去朋友?

今日瀏覽幾位朋友o既blog/xanga
大家唔知係夾埋定係咁o岩
都係關於中五以後
正如標題..你擔心o既究竟係邊一個問題!?
但我覺得.大家要擔心o既只應該係會考
我咁講唔係朋友唔重要..
而係因為朋友係唔會因為一齊讀書先一齊玩
如果係o既話...呢一個係唔係朋友呢!?
我諗睇我呢個blog o既人應該都係擁有一個朋友o既身份
唔單上你有呢個身份...我亦有
朋友o係呢個時候要用o既應該係互相勉勵.共同努力

一連踢三日波

講返星期二先
星期二係學校足球隊ge選拔
見咁多人踢我又去玩下啦
又ok順利啵..仲有d無聊添其實
星期三
唔洗補課
本身想放學去買中史書...嘿...
下落到操場...咁多人踢..之後又叫我踢
我抵受唔住誘惑下踢左
搞到今日俾煜佳老師記名....
今日補完IH就係足球隊練習
我覺得練習幾簡單
加上體能果d太易
鬥完波都唔覺累
不過波仔教波果陣就真係好累啦
反反覆覆咁練..練左成個鍾都有
志偉話我同terry勤力...鬼咩..屎波係咁咖啦...可以ge話我都想懶d

叫佢食陽光空氣

唉....錢呀!!!
一至六lunch
星期二同五仲要加多餐夜晚
oh~~叫佢食陽光空氣
仲叫我玩online game
唉.....

烏蠅面罩都幾型丫

網上購物方便!?

今日個標題係:網上購物方便嗎!?
各位同學你地有一個鍾頭時間完成呢條論述題
=================================
我今日完成左我第一次網上購物o既交收過程
正如題目...係唔係方便呢就真係見仁見智啦
老實講我覺得真係唔太方便..除非係郵寄姐
好似我咁約時間交收真係好麻煩
因為夾時間夾過好多次
唔知真係咁o岩定咁o橋
賣家交貨時間同我返學同補課時間完全吻合
本身星期六12點半..臨時又黎個世史補課
再約星期日1點...突然又要改早
嘩...仲辛苦過返學

今日真充實

今日11點西史補課
不過就約早左踢波
約9點...不過我10點先到
遲少少姐...冇所謂啦河
4個人2打2波仔+邱
我+terry
我同terry竟然o係3分實力7分
贏左...
補課又話補一個鍾但足足補左2個半鍾有多
補完課食完飯又踢過
先去雞欄..射一陣波有人黎攞左場紙...shit....
再去長天主場....射一陣波又幾隊人黎...shitX2
最衰我地得6個人
唔係殺班友一個片甲不留..吼!!!!!!

讀歷史點都冇經歷咁過隱

大家明唔明我個主題!?
唔明唔緊要..我舉兩個例子
我琴日去報補習..俾個舊生推薦..
咁佢就有學卷啦...但無論佢點講都好..
我都唔會明白學費減半有幾爽
因此...我今日推薦左一個人去補..我依家感受到啦
第二個例
讀歷史我地知中國o係近百幾年來俾人蝦得好慘
但我地唔會feel到個種慘法
但今日玩Travian我send左信俾打我果位老外
信o既內容我釋做中文
======================================
我:請問你可以不再攻打我嗎!?我希望能夠和平相處
老外:你係一塊好田(照釋)
我:你o既意思係!?
老外:姐係話你有好多資源
我:哦...但我已經俾你打到冇啦
最後一句我唔釋..因為英文真係好傳神
老外:But you will have it
絕......
我諗我依家需要個勁人幫我釋"搵食姐"o既英文

黎料

今日終於報左補習
報左英文.數學
兩科都係夜晚...增加左財政負擔啦.
多兩餐要出街食...
鬼叫你窮丫.頂硬上
為了成績!!頂!!!!
今日我會再考慮修人文o既決定
因為中西史要讀ge相當癲
仲有電腦呢!?呢科博老命咖嘛
睇黎做十二少都唔係易事

唉....返學生涯中第二次遲到

真係好冇隱..
我就好似平時咁ge時間返學
但今日竟然遲到
我已經怕搭半果班車會遲坐早一班
但都係遲到
真係有需要7點11返到!?
====================================================================

中史會考溫習清單
可以俾一個奇蹟我嗎!?

祝Terry官運亨通

Terry你就過隱啦
除左班主任之外你就最大啦
班長都俾你做埋..玩晒啦...
不過你做到班長真係多得你班fd
更加要多謝我投你神聖一票
計起上黎你請我食飯就差唔多...
今日開學都已經搞成咁..成個學期..仲得了!?
不過都玩唔到好耐..學校課程補課愈來愈密
仲要補習添...不過辛苦極都係一年姐
可以ge話我真係想辛苦多幾年繼續讀

又有人生日

又有人生日啦
仲未到我!!!
今日人地生日又食必勝hut...
生日又有心上人幫你慶祝...開心啦...
又有網友又有損友...興奮啦
我就大出血啦
不過冇所謂啦
生日快樂

反常

今日完全反常
去cafe飲完杯咖啡之後...
我...我...我竟然......竟然........眼訓....
是咁都仲未最反常
我居然買兩條成2百幾蚊ge褲....
對好多人黎講係好小而且係好平常ge事
但正常ge我係絕對唔會!!!

食物大兜亂

詳細就唔講啦總之就樣樣都食左好多

所以今日6點幾鍾肚痛痛到醒左

琴日其實係我表妹生日

兩個星期以黎..不繼食呢d野-.-

幾好食都食到冇味啦0,0

導火線

今日又睇戲啦.....
呢期真係睇左好多戲
導火線都好睇
有得笑...不過有d場面都好暴力血腥
但我唔明點解件會有人成場都笑啵
謎.....

餓波

好耐冇踢波
成個月冇踢
返完大陸累....返完大陸累
肯定係咩啦...
由細到大兒歌金曲最好睇係呢年
但係果個姓莫果個細路
真係好囂張.....
不爽

又到家姐生日

前日媽咪先生日

今日又到家姐

不過我生日前我老豆又生日

我地成家痴痴埋埋一齊生日..搞笑

食物陣容超強

媽子生日快樂

今日我媽子生日
本身諗住係鋸扒...
不過媽子o錫住我個荷包..所以唔出去食
所以幾時都話媽媽好就係咁解
咁就轉變計劃..落街買蛋糕
買左個T啦misu(唔識串..希望睇o既會明)
勾起左我不少恐怖回憶
事關第一次食係嘔左.....
點知呢個都係咁難食...
頂隱

家中一日談

今日研究左呢個blog好耐
發現我係唔太識用
什麼主題唔係唔知點用...
不過冇相干..我唔用的
因為呢一個版面我覺得好靚......
我用blog確實係白痴得很..仲叫我轉xanga!?

開張日

經過朋友多次邀請(或是纏繞)
我終於轉了來blogger
今日最開心就是收了一封大利是
對我來說是超級大利是
因為係我收過的利是之中是最多的一次